БРИСЕЛ ПРИТИСКА: Британија што поскоро да ја каже својата позиција
Објавено во: Свет 28 Јуни, 2016
Претседателот на Европската комисија (ЕК), Жан-Клод Јункер ја повика Велика Британија „да ја разјасни својата позиција“ за Брегзит што побрзо, пишува „BBC“.
Пред Европскиот парламент (ЕП) тој рече дека Велика Британија и Обединетото Кралство остануваат пријатели, но истакна дека е потребно кралството да ја изложи својата позиција за да се избегне неизвесноста.
Британскиот премиер Дејвид Камерон ќе се сретне со лидерите на ЕУ за првпат по британското гласање на референдумот подоцна денес.
Тој се повлекува од функцијата, за да му овозможи на својот наследник да одржи преговори за излез од кризата.
„Ние треба да ја расчистиме ситуацијата што е можно побрзо. Но јас сеуште сум тажен, бидејќи не сум робот, сив бирократ или технократ“, изјави Јункер.
„Јас сум Европеец и имам право да кажам дека ми е жал за резултатот од британскиот референдум“, додаде тој.
Претседателот на Европската комисија и британскиот премиер Дејвид Камерон имале „љубезен и пријателски“ телефонски разговор во петокот. Според зборовите на Јункер во разговорот Камерон се „заблагодарил за придонесот на комисијата во пресрет на референдумот“, кој довел до решение за напуштање на ЕУ од Британија. ЕК не свика референдум, последиците се за оние кои го свикаа, коментира портпаролот на комисијата во одговор на прашање дали Јункер ќе поднесе оставка.