Бројот на загинати во авионската несреќа во Јужна Кореја се искачи на 177
Објавено во: Стил 29 Декември, 2024
Во авионската несреќа на патничкиот авион „Боинг 737-800“ на јужнокорејската компанија „Џеџу ер“ на линијата од Бангкок до Муан, во кој се превезуваа 181 лице, загинаа 177 лица, двајца патници се водат како исчезнати, а двајца членови на екипажот преживеаја.
Според јужнокорејското Министерство за копно, инфраструктура и транспорт, пронајдена е и црната кутија на авионот, објави Ројтерс. Извршниот директор на Jeju Air, најпопуларната нискобуџетна авиокомпанија во Јужна Кореја, Ким Е-бае и целото раководство јавно им се извинија на жртвите во несреќата.
„Без оглед на причината за несреќата, јас ја преземам целосната одговорност како извршен директор“, рече Ким. Производителот на авионот, Боинг, испрати сочувство и рече дека е во контакт со јужнокорејската авиокомпанија по смртоносната несреќа.
Сите домашни и меѓународни летови од меѓународниот аеродром Муан, каде што се случи несреќата, се откажани, објави новинската агенција Јонхап. Патнички авион со 181 патник и членови на екипажот излета од пистата во 9:07 часот по локално време и се урна во ограда на меѓународниот аеродром Муан во округот Муан, провинцијата Јужна Џеола, околу 288 километри југозападно од Сеул, објавија јужнокорејските вести.
Освен двете спасени лица кои се пренесени во болница, се претпоставува дека сите исчезнати во моментов се мртви, соопштија противпожарните власти, додавајќи дека сега трагаат по други тела.
Во авионот кој се враќал од Бангкок имало вкупно 181 лице, вклучувајќи и шест членови на екипажот. Сите патници биле Корејци, освен двајца Тајланѓани. На снимката што ја емитуваа локалните ТВ станици се гледа како авионот се лизга по земја и удира во бетонски ѕид пред да експлодира и да се запали.
Авионот бил речиси целосно уништен од експлозијата. Властите веруваат дека дефект на опремата за слетување, најверојатно предизвикан од удар на птица, можеби ја предизвикал несреќата, а истрагата за инцидентот е започната на лице место, објави претходно новинската агенција Јонхап.
Точната причина за несреќата се уште е под истрага, а официјални лица од пожарникарите велат дека моментално се верува дека авионот, кој летал во неповолни временски услови, се судрил со јато птици, оштетувајќи ја опремата за слетување, јавува Би-Би-Си.
За време на брифингот со новинарите, официјален извор рече дека автоматскиот снимач на глас на авионот сè уште не е пронајден. Откажани се сите домашни и меѓународни летови од меѓународниот аеродром Муан, каде што се случи несреќата.
