БРУТАЛНА ВОЈНА, СЕ ЈАДАТ МЕЃУ СЕБЕ: Гладни стаорци на улиците на американските градови

Добивај вести на Viber

Илјадници затворени ресторани ги загрозија и стаорците во САД, кои векови наназад успеваа да ги преживеат најголемите катастрофи, а најголем проблем е забележан во Њу Орлеанс и во Њујорк. Стаорците, кои се еден од најотпорните видови во природата, во овие американски градови почнале да водат брутална војна за да ја преживеат пандемијата од коронавирусот. Истовремено се огромна закана за луѓето, бидејќи поради недостаток на храна по улиците би можеле да почнат да влегуваат во домовите, па да пренесат и дополнителни зарази, пишува денеска Њујорк пост.

Боби Кориган, експерт за глодари, чија специјалност се токму градските стаорци, за НБЦ Њуз вели дека само во Њујорк се затворени илјадници ресторани, а сосема ист е случајот и во сите останати градови во Америка.

-Стаорците со години живеат во близина на рестораните и зависат директно од отпадот храна. Сега тоа е проблем. За да преживеат, тие сега се борат до смрт, најсилните ќе ја освојат територијата. Најчесто, возрасните стаорци ги убиваат младите и ги јадат, бидејќи во моментов тоа е единствен начин да преживеат. , вели Кориган.

Експертите велат дека одредени градски зони ќе бидат посебно загрозени, особено онаму каде што бројот на стаорци е огромен. Локалните власти ги советуваат граѓаните да внимаваат посебно кога го изнесуваат сметот. Стаорците се посебно опасни ако се населат во домовите на луѓето, бидејќи сега, кога има недостаток на храна се и посебно агресивни.