Бугарска инвазија во Охрид за празниците
Објавено во: Економија 10 Април, 2015
Охридските хотелиери очекуваат солидна посетеност поради велигденските празници. Во моментот зафатеноста на Охридската ривиера е 60%, некои хотели сепак се резервирани целосно.
Останатите очекуваат да ги пополнат капацитетите со туристи кои одлучиле да уживаат во охридските убавини во последен момент.
Според угостителската асоцијација најмногубројни се гостите од Бугарија. По нив Охридското Езеро ќе биде посетено најмногу од Грците, Србите, Албанците.
Македонците немаат интерес да ги поминат празниците крај Охридското Езеро. Затоа и локалните хотелиери се потпираат најмногу на туристите од соседните земји и помалку на гостите од други европски држави.