Цел празник бесплатен паркинг во Центар
Објавено во: Македонија 05 Април, 2018
Бидејќи од утре започнува празничната прослава на Велигден. ЈП Паркинзи на општина Центар донесе одлука во текот на наредните четири дена паркирањето на нивните капацитети да биде бесплатно.
Вообичаено за паркиралиштата во општинска сопственост е да не се наплаќа за време на викенди и државни празници. Така со продолжениот празничен викенд возачите ќе може бесплатно да паркираат на ПОЦ од петок до понеделник.
Паркиралиштата на ЈП ПОЦ ќе продолжат со работа во вторник, 10 април, со вообичаено работно време.