Централната банка на Шпанија предупреди за економски ризици поради Каталонија

Добивај вести на Viber

Шпанската централна банка предупреди дека можат да произлезат ризици за економскиот раст поради тензиите во сепаратистичката област Каталонија, која произведува една петтина од богатството на земјата.

Предупредувањето беше издадено три дена пред да биде забранет референдумот во Мадрид за независноста на областа.

Политичките тензии во Каталонија можат во крајна линија да влијаат на довербата на економските фактори и нивните одлуки за трошоците и условите за финансирање, се вели во кварталниот извештај на банката.

Централната банка сепак ги задржала прогнозите за економскиот раст на Шпанија на ниво од 3,1 отсто во 2017 година, 2,8 отсто во 2018 и 2,2 отсто во 2019 година.

Каталонија придонела за 19 проценти од БДП на Шпанија во 2016 година и е на исто ниво со Мадрид како најбогата област во земјата. Силно ги надминува преостанатите шпански региони со извоз на една четвртина од своите производи во странство, на чело со храна и хемиската индустрија.

Каталонија, исто така, е првата туристичка дестинација со над 18 милиони странски посетители во 2016 година.

Многу од централите на големите шпански претпријатија се во Барселона: текстилната група Mango, третата шпанската банка CaixaBank, гасовниот гигант Gas Natural и операторот на патна инфраструктура Abertis, сопственост на француските автопати Sanef.

Во 2016 година шпанската економија порасна за 3,3 отсто, или над двојно во однос на просекот за еврозоната благодарение на динамичниот извоз кој ги интензивирал трошоците на домаќинствата, како и добрата состојба на туризмот.

Шпанија продолжува сепак да се соочува со сериозни тешкотии, како огромниот јавен долг (околу 100 проценти од БДП) и високата невработеност (17,2 отсто во вториот квартал) - второ највисоко ниво во еврозоната.