Честитка на македонски јазик од Доналд Туск
Објавено во: Македонија 25 Јануари, 2019
Првиот човек на Европскиот Совет Доналд Туск, на македонски јазик ја честиташе ратификацијата на Договорот од Преспа во грчкиот Парламент. Тој ги пофали двајцата премиери Алексис Ципрас и Зоран Заев за успешно завршената мисија.
„Имаа имагинација, преземаа ризик и беа подготвени да ги жртвуваат своите интереси за поголемо добро. Зоран, Алексис – одлично направено! Невозможната мисија е успешно завршена“, напиша Туск на Твитер.
Грчкиот парламент денеска со 153 гласа „за“ го ратификуваше Договорот од Преспа, со кој се става крај на 27-годишниот спор за името помеѓу Грција и Македонија.
Со ова се отвора вратата за наше членство во НАТО и почеток на пристапните преговори со ЕУ.