ЧИСТКА ВО ТУРЦИЈА: За работонеспособни се прогласени 21.000 наставници
Објавено во: Балкан 19 Јули, 2016
Министерство за образование на Турција денеска прогласи за работонеспособни 21.000 наставници, кои се вработени во приватни институции.
Ова е дел од акциите кои Владата ги презема по неуспешниот обид за државен удар на 15 јули.
Советот за високо образование претходно побарал оставки на 1.577 декани и професори од сите универзитети во Турција, a Министерството за образование соопшти дека отпушти од работа 15.200 вработени.
Весникот „Хуриет“ јавува дека повеќе од 49.000 луѓе во Турција добија отказ од работа во различни министерства и државни институции. Тие се осомничени дека се вмешани во обидот за државен удар кој се случи деновиве за уривање на власта на претседателот Реџеп Таип Ердоган.
По обидот за државен удар имаше смена на кадри во армијата, полицијата, судии и во други сектори.