Чудотворна икона која ги исполнува желбите: Репортажа за манастирот Св. Богородица Пречиста Kичевска

Добивај вести на Viber

Иконата на светицата датира од 18 век и карактеристично за неа е што рацете се изработени од сребро. Се вели дека кога и се обраќате со молитва и искрена вера помага во исполнувањето на желбите и пронаоѓа лек за низа болести.

Ако ве наведе патот кон Кичево, никако не пропуштајте да го посетите исконскиот манастир Св. Богородица Пречиста Кичевска. Црквата во манастирот е една од најголемите цркви во Македонија и пошироко, а внатрешноста изобилува со уникатен иконостас и фрескоживопис. Над изворот  во самиот манастир се наѓа чудотворната икона на Пресвета Богородица со Исус во рацете. Иконата датира од 18 век и карактеристично за неа е што рацете од Богородица се изработени од сребро. Се вели дека кога и се обраќате со молитва и искрена вера помага во исполнувањето на желбите и пронаоѓа лек за низа болести.

Една легенда долго време се пренесува од поколение на поколение и секој збор кажан во неа создава морници по телото. Сржта на легендата е во силината на севишното, во надрелноста која за многумина е реална, посебно за верниците. Таа ја раскажува приказната за градењето на манастирот Св. Богородица Пречиста Кичевска. Мештаните од кичевско решиле да градат манастир лика и прилика на големите грандиозни архитектонски зданија во чест на Св. Богородица.