31 Мај, 2020
0.0437

Чулев демантира: Никој не се јавувал кај верски старешини, работиме само на интензивирање на соработката

Објавено во: Македонија 22 Мај, 2020

Министерот за внатрешни работи Наќе Чулев ги демантира реакциите кои произлегоа од Исламската верска заедница дека полициски службеници се јавувале кај верски старешини за да вршат притисок со своето влијание за време на празнувањето на Рамазан Бајрам.

„Јас како Министер за внатрешни работи нема да дозволам полициските службеници да вршат притисок и да влијаат на работата на верските објекти и заедници. Наша обврска е да го заштитиме здравјето на граѓаните и во таа полициските службеници преземаат соодветни превентивни мерки и активности.

Министерството за внатрешни работи, категорично ги отфрла како паушални и неточни изесени тврдења во денешната реакција на Исламската верска заедница околу наводен полициски притисок врз претставниците на оваа верска заедница, а по повод чествувањето на престојниот верски празник Фитр Бајрам“, објави Чулев.

Тој додава дека полицијата нема таква надлежност, туку дека своето работење го темели на пропишаните законски норми и Уставот, но и дека се интензивира соработката со верските заедници со цел засилено превентивно делување особено во пресрет на претстојните државни и верски празници. 

„Полициските службеници секојдневно работат и во делот на превенција информирање и едукација, а во насока на заедничко надминување на опасностите од пандемијата и зачувување на здравјето на граѓаните.

Потенцирам дека Министерството за внатрешни работи ќе остане доследно во исполнувањето на сите свои законски обврски и задачи чијашто единствена цел, преку бескомпромисно спроведување на законите е заштитата, личната сигурност и безбедност на сите наши граѓани, токму онака како што меѓу другото, налага и Уставот на нашата земја“, додава Чулев.


Можеби ќе ве интересира

Астеруд: Не Радмила, во голема грешка си и треба да се извиниш

Астеруд: Не Радмила, во голема грешка си и треба да се извиниш

Филипче посакува да се огледаме на Дебар

Филипче посакува да се огледаме на Дебар

200 луѓе му беа на погребот, сега ќе се прават анкети со семејството

200 луѓе му беа на погребот, сега ќе се прават анкети со семејството

ФОТО: Полицајци се справија со банда ограбувачи во центарот на Скопје

ФОТО: Полицајци се справија со банда ограбувачи во центарот на Скопје

Се шири вирусот во Шуто Оризари, најмногу новозаболени сепак во Чаир, Бутел, Сарај

Се шири вирусот во Шуто Оризари, најмногу новозаболени сепак во Чаир, Бутел, Сарај

Спасовски: Избори затоа што вирусот ќе добива на интензитет наесен

Спасовски: Избори затоа што вирусот ќе добива на интензитет наесен

Мицкоски: Не зборувам за избори кога броиме мртви

Мицкоски: Не зборувам за избори кога броиме мртви

Џафери: Да се договорат за избори во следните две недели

Џафери: Да се договорат за избори во следните две недели

По најмногу 15 деца во група и ќе седат на два метри оддалеченост: Како ќе работат градинките?

По најмногу 15 деца во група и ќе седат на два метри оддалеченост: Како ќе работат градинките?