Ципрас кажа дека во игра се четири имиња
Објавено во: Балкан 23 Мај, 2018
Грција преговара за четирите имиња предложени од Нимиц.
Ова го изјави грчкиот премиер Алексис Ципрас, одговарајќи на критиките упатени од лидерот на опозициската Нова демократија, Киријакос Мицотакис, за прифаќањето на името „Република Илинденска Македонија“.
Ципрас вели дека има сериозен напредок бидејќи македонската страна прифатила сложено име кое ќе се употребува ерга омнес и уставна ревизија. Тој изјави дека нема дополнително да говори за суштината на преговорите бидејќи утре ќе се одржи нова средба на министрите за надворешни работи на двете земји со медијаторот Нимиц. Претходно, претседателот на Нова демократија, побара од Ципрас јасно да каже дали го отфрлил предлогот за „Република Илинденска Македонија“ или „сѐ уште тајно се разговара за тоа“.