Ципрас продолжува со оптимистички изјави зачинети со триумфализам
Објавено во: Балкан 30 Мај, 2018
Грчкиот премиер Алексис Ципрас во говор на годишното генерално собрание на Федерацијата на претпријатија на Грција изјави дека се наѕира перспектива за решение за името, но мора прво да се ситераат преговорите до крај. Во изјавите за спорот за името и влијанието на Грција во регионот може да се забележи извесна доза на триумфализам..
– Преговори со кои управувавме и продолжуваме да управуваме со чувство на одговорност и патриотизам. Но, и со решителност и верба во потребата за изнаоѓање решение. Тоа се обидуваме да го сториме, работејќи на решение, затоа што веруваме дека можеме да ја вратиме водечката позиција на земјата на Балканот. Нешто што ќе има пошироки позитивни последици, не само на геополитички план, туку и во областа на економијата и претприемништвото, создавајќи една нова динамика за развој на нашиот регион, на Балканот, нова перспектива на соработка со сите земји од нашиот регион, а во исто време ќе ги запре аспирациите за економско и политичко владеење на други сили во поширокиот регион, како што е Турција, на пример – рече Ципрас.
Тој додаде дека сликата за Грција на меѓународен план полека се менува и се зајакнува, но за тоа се потребни смели и тешки одлуки. Според него, тоа може да се постигне ако се тргне настрана политичката цена, а предвид да се има интересот на земјата.