Црквата Света Софија во Истанбул ќе стане џамија?

Добивај вести на Viber

Црквата Света Софија во Истанбул да стане џамија побара пратеникот на опозициската „Партија на националистичката акција“ во Турција, Јусуф Халачоглу. Тој до парламентот поднесе предлог закон со кој се повторно овој храм што сега работи како музеј, треба да се претвори во верски објект. Според Халачоглу,одлуката од 7 ноември 1934 година, со која Света Софија во Истанбул стана музеј нема правна основа. Посочува дека  Уставот од 1924 година, исто како и сегашниот турски Устав предвидуваат законите и одлуките задолжително да бидат одобрени од претседателот и објавени во службен весник. Според пратеникот, ваквиор ред во случајот со Света Софија не бил испочитуван, па оттука одлуката е нелегална. Света Софија до 30-тите години на минатиот век функционирала како џамија неколку векови, од заземањето на Константинопол од Османиите во 1453-та. нејзиното пренаменување во Музеј беше направено по барање на основачот на современа Турција, Мустафа Кемал Ататурк.