Црна Гора во должничка криза - ЕУ нема да им помогне

Добивај вести на Viber

Европската унија ја одби молбата на Црна Гора да ѝ помогне во отплатата на кинески заем од 1 милијарда долари за автопат. 

Европската комисија одговори дека тие не враќаат заеми што ги земаат од трети страни.  Брисел во понеделникот го отфрли повикот на владата на Црна Гора да помогне во финансирањето кинески заем од една милијарда американски долари за недовршен проект за автопат. Црна Гора е во должничка криза.  Високи владини претставници во последните неколку недели ја повикаа ЕУ да ѝ помогне на Црна Гора да го отплати заемот, кој изнесува една четвртина од вкупниот долг на земјата.  Одлуката на ЕУ ризикува да му се отвори вратата на кинескиот државен заемодавател, Експорт-импорт банка на Кина, за контрола на средствата во сопственост на Црна Гора, вели Политико.
Портпаролот на црногорскиот премиер, Здравко Кривокапиќ, немаше коментар за реакцијата на Комисијата. 

Според Франкфуртер Алгемајне Цајтунг (ФАЗ) короната ја „сруши“ економијата на малата балканска држава која зависи од туризмот.

Автопатот од Бар до границата со Србија треба да биде долг 177 километри. Според Меѓународниот монетарен фонд, делот од Подгорица до Колашин веќе чини една милијарда евра, а остатокот може да биде уште поскап.

Ако Подгорица не го исплати својот заем, договорот за проектот за патот и дава можност на Кина да добие пристап до земјиште и средства во балканската држава.