ЦУК и Стојанче Ангелов поделија 48 решенија за вработување на оператори-приматели на повици

Добивај вести на Viber

Директорот на Центарот за управување со кризи, Стојанче Ангелов, заедно со заменик директорот Екрем Зендели, им ги поделија решенијата за вработување на неопределено време на 48 нововработени оператори- приматели на повици на телефонскиот број за итни повици 112. Огласот за вработување беше објавен во јануари.

Земјава од оваа година се вклучува во системот Е – 112, што предвидува преку единствена бесплатна телефонска линија граѓаните да можат да упатат итни повици за помош во случај на нужност, а од Центарот за управување со кризи во најкраток можен рок од едно место да се ангажираат сите единици, полицијата, итната медицинска помош и бригадата за противпожарна заштита.Станува збор за европски проект кој треба да го имплементира секоја земја аспирант и членка на Европската Унија. На новиот број 112 на кој граѓаните ќе можат да се јават за било каков проблем, а не да ги знаат напамет сите дежурни броеви.

Директорот на Центарот за управување со кризи, Стојанче Ангелов, неодамна за медиумите изјави дека во однос на кадарот кој ќе работи во службата 112, се бара одредена стручност и подготвеност на операторите за да можат да одговорат на предизвиците на оваа работа.

„Ќе се полагаат тестови за интелигенција, психолошки тестови, пожелно е познавање на англиски јазик, како и некој друг странски јазик. Се работи за луѓе кои ќе знаат да работат во услови на стрес“, нагласи Ангелов, објаснувајќи ја тежината на работата и одговорноста која ќе ја имаат овие вработени.