Д-р Драган Даниловски: Само дозирани рестрикции, за да не трпи економијата
Објавено во: Македонија 25 Октомври, 2020
Професорот по епидемиологоја, Драган Даниловски, најави дека во блиска иднина справувањето со Ковид-19 ќе продолжи само со како што вели тој, дозирани рестрикции без карантин, за да не трпи економијата со сериозни штети.
- Тие дозирани рестрикции ќе продолжат онолку колку што може да се дозволи. Мора да се балансира меѓу нормален тек на животот и она што значи проблем. За да не дојдеме до таа фаза, која скапо би не чинела, да покажеме малку дисциплина. Знам дека не е лесно и ги разберам младите, но тоа е единствениот пат и убеден сум дека го можеме тоа, рече Даниловски во вестите на Канал 5.
Поранешниот министер за здравство рече дека дневно има 19 хоспитализации, а за 30 дена ќе имаме до 600 нови хоспитализации според темпото.
„Бројка со старите би изнесувач 1.200, еве тој број нека е сведен на 900.до 1000. Тоа така може за еден месец да се издржи, но што ќе се случува потоа и дали здравствените работници ќе можат да издржат таков напор, додаде Даниловски.