Дали Америка денес го има најлошиот претседател?
Објавено во: Свет 10 Март, 2018
Од страна на еден американски универзитет, во периодот од 3
до 5 март е спроведена анкета со која се испитува мислењето на јавноста за
американските претседатели, рангирајки ги во листа според критериум најдобри и најлоши
претседатели .
Актуелниот претседател на САД Доналд
Трамп, по спроведената анкета, е оценет како најлош претседател на оваа земја
од крајот на Втората светска војна.
Според рангирањето на гласачите 41% сметаат дека Трамп е најлошиот претседател после 1945 година.
На второто место на оваа листа се најде Барак Обама, со 21 отсто гласови. Трет најлош претседател, според оваа анкета е Ричард Никсон со 10 отсто од гласовите.
Спротивно на оваа листа за најдобар американски претседател по Втората светска војна најмногу гласови доби Роналд Реган, кој според испитаниците е најдобар претседател од 1945 година па наваму.
На второ место и на оваа листа се најде Барак Обама, кој,
интересно, е второпласиран и во категоријата на најлоши претседатели. Според
мислењето на испитаниците очигледно е дека има многу поделени мислења кога е во прашање
начинот на кој Обама ја вршеше оваа висока функција.
Бил Клинтон и Џон Кенеди го делат третото
место на најдобри претседатели на САД.
Со оваа анкета е дојдено до заклучок дека американците се разочарани од владеењето на Трам и дека ниту еден претседател во последните 74 години не ја водел државата на начин каков што тој ја води денес, со константни отпори од страна на јавноста.