Дали Брегзит ќе му наштети на грчкиот туризам догодина?
Објавено во: Балкан 04 Јули, 2016
Последиците по европската економија од заминувањето на Велика Британија од Европската унија претставува закана за грчкиот туризам веќе од следната година, вели претседателот на Здружението на грчките туристички претпријатија, Андреас Андреадис.
Андреадис вели дека протокот на туристи во Грција е директно поврзан со текот на економиите на земјите од кои зависи грчкиот туризам.
Првиот директен ефект од британскиот пазар е поврзан со падот на фунтата во однос на еврото, што е зголемување на трошоците за празници за Британците во Грција и други популарни дестинации во јужна Европа.
Во 2015 година, околу 2,4 милиони британски државјани биле во Грција на одмор, трошејќи вкупно 2 милијарди евра. Оваа година, околу половина милион резервации се неизвесни.
Грчките хотелиери се повеќе загрижени за следната година. Хотелиерите стравуваат од домино ефект од Брегзит на другите европски економии, кои можат да влијаат на туризмот.