Дали е сеедно каков чај пиеме?

Добивај вести на Viber

Иако надвор е топло, не треба да ја исклучувате можноста да пиете чај. Доколу не сакате топол, оставете да се излади и консумирајте го ладен.

Ви пренесуваме неколку совети на темата чај.

Чај од камилица се употребува во тек на лекување на очни инфекции, тешкотии со варењето и иритација на кожата, добар е за грло, кога ќе загнои заб или ќе потече, против воспаление на непцата, против подуеност и мачнини во стомакот.

Чај од мента ( нане ) го смирува стомакот, ја намалува температурата и ги намалува болките, додека чајот од мајчина душичка се препорачува за смирување и против зарипнатост.

Зелениот чај содржи корисни полифеноли кои се силен антиоксиданс, па помагаат во борба против рак или при диети кај луѓе кои имаат поспор метаболизам. Може да го пиете и разладен со лимон, а помага и во губење на килограми, штити од рак, го намалува ризикот од мозочен удар и го чува непцето.

Црниот чај го намалува крвниот притисок и го чува срцето и крвните садови.

Чајот од брусница има одлични антибактериски својства и се препорачува при проблеми со уринарните патишта.

Три шољички чај од хибискус дневно ја намалуваат опасноста од покачен крвен притисок, а овој чај содржи витамин Ц и може да биде афродизијак.

Жалфијата е добра за плакнење на грлото и усната шуплина. Чајот од шипки е добар против настинка бидејки содржи и витамин Ц, а чајот од липа се препорачува за добар сон.