Дали името на нашата земја го урна Ципрас?
Објавено во: Балкан 27 Мај, 2019
Грчкиот премиер Aлексис Ципрас го урнаа Македонија и штедењето.
Грчкиот премиер Алексис Ципрас во понеделникот се бореше за својот политички опстанок, откако неговата партија Сириза, чија популарност падна поради штедењето и горчливиот јаз околу договорот со Северна Македонија, доби шлаканица на изборите за Европскиот парламент, вели Ројтерс.
Левичарската Сириза, која во 2015 година упадна на грчката политичка сцена на крилата на народната реакција против болните економски реформи, го претрпе својот прв голем пораз од опозициската конзервативна партија Неа демократиа.
Вознемирен од поразот, Ципрас рече дека ќе свика предвремени избори, додека Неа демократиа веднаш побара негова оставка, велејќи дека тој повеќе го немал мандатот од народот. Според законот, земјата најрано може да распише избори на 30 јуни.
Ципрас рече дека загубиле битка, но пред нив е критична војна.