Дали пазарот на труд во САД економски закрепнува или се е само илузија?!?

Добивај вести на Viber

Во октомври создавање на нови работни места во САД почна да зема замав. Во ноември невработеноста падна на 7,7%, што е 4-годишен минимум и тоа веднаш по претседателските избори. Ако ги погледнеме подлабоко работите , сепак, не е се толку розово како што изгледа, бидејќи се уште има знаци за фундаменталната слабост на пазарот на трудот, пишува CNBC. „Извештајот за пазарот на труд во ноември е дефинитивно добар, но новосоздадените работни места не можат да ги опфатат невработени кои седат дома долго време и уште милиони Американци кои сево  замката на невработеноста“, коментира Кристин Овенс, извршен директор на „National Employment Law Project“. Правната група е основана со цел да лобира во Конгресот, за да продолжат да се исплаќаат надоместоците на трајно невработените во рамките на владината програма, воведена поради кризата. Програмата опфаќа околу 12 милиони Американци. Извештајот на американското Министерство за состојбата на пазарот на трудот во ноември не и дава основа на оваа група да го промени своето мислење. Новоформираните работни места продолжуваат да се движат околу средномесечното ниво за последната година. Освен тоа, се повеќе луѓе се откажуваат да бараат работа и времето за кое во просек луѓето остануваат без егзистенција е продолжено до 40 недели, што е блиску до историскиот врв.Реконструкцијата на станбениот сектор се смета како фактор за пораст на вработувањето во градежништвото и еден од клучните економски сектори, но растовите и овде се уште не се отпорни, предупредуваат аналитичарите. Притоа останува тешка состојбата со вработувањата и во производствениот сектор. „Претседателот Обама го прогласи како главна цел создавањето на еден милион нови работни места во производството во својот втор мандат. Нема да му биде лесно ова да го постигне ", коментира Скот Пол, извршен директор на невладина организација за производствените компании.