Москва не отстапува од територијалните барања: Кремљ песимист за мировните разговори во Берлин

Добивај вести на Viber

Русија не очекува позитивен исход од разговорите за прекин на огнот во Украина што се одржуваат во Берлин, изјави денеска за руската државна телевизија денеска. Јуриј Ушаков, помошник на претседателот Владимир Путин за надворешна политика.

Ушаков во забелешките снимени во петокот, но емитувани денеска, рече дека придонесите од Украина и европските сили на мировниот план на американскиот претседател Доналд Трамп „тешко дека ќе бидат конструктивни“.

- Во тоа лежи проблемот, рече Ушаков, истакнувајќи ја руската увереност дека американската страна ја разбира руската позиција.

Ушаков јасно стави до знаење дека Русија нема да ги повлече своите територијални барања, вклучително и тоа Киев целосно да се повлече од оние делови на двата источни региони, Доњецк и Луганск, што руските сили сè уште не ги окупирале.

- Прашањето за териториите беше активно дискутирано во Москва, рече Ушаков, осврнувајќи се на петчасовните разговори меѓу американскиот специјален пратеник Стив Виткоф и Путин на почетокот на месецот.

- Американците не само што ја знаат нашата позиција, туку и ја разбираат, додаде тој.

Виткоф ја предводи американската делегација на разговорите во Берлин.

- Москва не знае што Украинците и нивните европски сојузници планираат, додаде Ушаков, нагласувајќи: „Тешко дека ќе биде нешто добро“.

Тој додаде дека соништата на украинскиот претседател Володомир Зеленски за членство на Украина во НАТО и за враќање на полуостровот Крим, анектиран од Русија во 2014 година, немаат шанси да се реализираат.

Виткоф и Џаред Кушнер, зетот на претседателот Доналд Трамп, пристигнаа во Берлин денеска за да ја предводат американската делегација на разговорите за Украина. Украина се брани од руска инвазија од февруари 2022 година