Дали расчистувањето на „Рекет“ е услов за добивање датум во октомври?

Добивај вести на Viber

Министерот за надворешни работи Никола Димитров денеска изјави дека не може да каже дали сличајот „Рекет“  е услов за добивање на датум за преговори со ЕУ.

„Меѓутоа колку повеќе одиме по добриот пат и во однос на истрагата, тоа ќе биде од помош и поддршка на напорите на нашите дипломати и државниот врв да обезбеди позитивна одлука во октомври“, рече Димитров. 

Додаде дека не може политиката да се меша и да вели, како што рече, имате рок и до тогаш да заврши истрагата, да подигнете обвинение.

Претседателот на државата Стево Пендаровски на прашањето од МИА дали „Рекет“ станува новиот услов за добивање датум за почеток на преговори со ЕУ, вели дека во овој момент не е. 

„Моја проценка е, наша проценка е дека нема ни да биде до крајот на годината, бидејќи ова што досега го направија надлежните државни органи е соодветна реакција. Меѓутоа случајот очигледно е комплексен, да оставиме на надлежните органи да продолжат да го работат. Ако не продолжат со ова темпо, со ова широчина и длабочина со која почнаа досега, тоа  може да стане. Но, сега не е и нема да биде до октомври“, рече претседателот. 

За „Рекет“ досега има три осомничени лица, Бојан Јовановски, Зоран Милевски Кичеец и обвинителката Катица Јанева која неодамна заврши во притвор.