Даночна управа: Ќе се „прочешлуваат“ фирмите на естрадните менаџери
Објавено во: Балкан 03 Август, 2018
Даночната управа на Србија објави дека естрадните менаџери се први на списокот за плаќање даноци и должни се до понеделник да достават договори за своите приходи
„По основа естрадни програми за забавна и народна музика и други забавни програми, должни се да достават пријава и известување до 5-ти во месецот за договори склучени во претходниот период“, истакнуваат од даночната управа.
Бидејќи 5 август е недела, крајниот рок за доставување ќе биде понеделник - 6 август.
Естрадните менаџери кои работат на естрадата со години имаат свои фирми преку кои регуларно плаќаат данок и се согласуваат дека овој сектор треба да се „прочешла“ за да се запре трендот на „плаќање на рака“.