Давутоглу: Руските санкции нема да не фрлат на колена!
Објавено во: Балкан 04 Декември, 2015
Турскиот премиер Ахмет Давутоглу изјавил денес дека руските економски санкции, воведени како одговор на соборувањето на рускиот борбен авион, нема да ја „фрлат на колена“ неговата земја. Давутоглу, кој е во посета на Азербејџан, рекол дека Анкара нема да се извинува поради тоа што ги „бранила своите граници“, пренесе агенцијата АП.
Тој повтори дека Турција не знаела чиј авион е соборен, но прв пат навел дека тоа е направено бидејќи Анкара „морално не може да дозволи“ авион да го нарушува воздушниот простор на неговата земја пред бомбардирање на областа каде живеат Туркмените во Сирија.
Рускиот претседател Владимир Путин изјави вчера дека Русија нема да „ги растреперува со оружје“ , но дека Турција треба да се подготви на остар одговор од одлуката дека ќе воведе рестрикции на увозот на турски домати во Русија.
Путин порача дека Русија нема да го заборави тоа што турските сили го собориле рускиот борбен авион и дека поради тоа Турција ќе зажали.
„Ако некој мисли дека може да направи толку страшно злосторство, убиство на наши луѓе, а дека ќе се извлечат со мерки кои подразбираат рестрикции на увоз на домати или ограничување во градежните и други сектори, многу се лаже“, вели Путин.
Русија веќе забранила увоз на одредени прехрамбени производи од Турција, вклучувајќи овошје и зеленчук, во рамки на широк пакет санкции.