ДЕМОНТАЖА НА ОГРАДАТА СКАПА 700 илјади евра: СДСМ се обврза, Заев ќе ја отстрани оградата околу владината зграда
Објавено во: Македонија 05 Јуни, 2017
Она што го најавуваа додека беа опозиција , од СДСМ изгледа ќе почнат да го спроведуваат уште денес.
Владата на Заев има намера да ја урива оградата од ковано железо со која е обиколена владината зграда, пренесоа дел од медиумите кои се повикуваат на извори во новата влада.
Оваа ограда беше поставена во септември 2015 од скопската градежна компанија „Бауер БГ“ и истата однесе 700 илјади евра.
Можно е уривањето на оградата да биде ставено уште не денешниот дневен ред на собраниската седница и на истата ќе се утврди како е изградена и на кој начин ќе се демонтира оградата.
Целта на Заев била околу владината зграда да се отвори просторот кој ќе биде слободен за движење на граѓаните, а премиерот веќе побарал портите да бидат постојано отворени се додека не се отстрани оградата.
СДСМ имено, јавно се обврза дека кога ќе дојде на власт ќе ја отстрани оградата.
„Никола Груевски се оградува од народот, од граѓаните. Барокната ограда од ковано железо е најголемиот симбол на неговиот страв. Тој се плаши од револтот кај граѓаните коишто не сакаат нечесни политичари. Груевски се плаши од одговорност за криминалот, корупцијата, за сите злоупотреби во изминатите 9,5 години, за се она што се потврди со доказите од проектот „Вистината за Македонија“ – рече Шилегов во септември 2015.