ДЕНЕСКА ПРЕСУДА: Ќе има ли правда за смртта на малиот Алмир?

Добивај вести на Viber

Во Основниот суд во Куманово денеска е закажано изрекувањето на пресудата за случајот со четиригодишниот Алмир кој почина откако беше прегазен со автомобил по кавга за ред во амбуланта. Во овој случај му се суди на обвинетиот Бобан Илиќ, кого обвинителството го гонеше првично за убиство, но потоа кривичното дело беше преквалификувано во сообраќајка со смртни последици и обвинетиот од притвор беше пуштен да се брани од слобода. 

Поради преквалификацијата на кривичното дело за обвинетиот, беа организирани протести.

Тие бараат разрешување на обвинителите кои работат на случајот, одговорност од вештаците и процесот да се суди во друг суд надвор од Куманово.

Обвинителството го гони обвинетиот Илиќ дека на 25 јуни 2016 година го прегазил четиригодишниот Алмир Алиу, по претходна вербална расправија со таткото на момчето во кумановскиот Здравствен дом.

Осомничениот е обвинет дека го прегазил Алмир на улицата „Борис Кидриќ".

За истиот настан против три други лица, таткото на детето Седат Алиу, како и Сами Демири и Абдула Алиу е поднесено обвинение за сторено кривично дело „насилство".

Денес кумановскиот суд треба да пресече и да ја донесе првостепената одлука за случајот.