ДЕНЕСКА СОНЧЕВО И ТОПЛО, од утре зголемување на дневните температури, еве ги деталите

Добивај вести на Viber

Се враќат топлите денови во земјава. Согласно најавата на Управата за хидрометеоролошки работи денеска претпладне по одделни котлини ќе има појава на магла и ниска облачност. 

Во текот на денот не очекува претежно сончево со мала облачност. Ќе дува слаб до умерен ветер од јужен правец.

Минималната температура ќе биде во интервал од -1 до 7, а максималната ќе достигне од 17 до 22 степени.

Во Скопје претпладне со магла и ниска облачност, попладне сончево. Минималната температура ќе се спушти до 4, а максималната ќе достигне 18 степени.

Низ целата земја ќе се задржи претежно сончево време. 

Веќе од недела од УХМР најавуваат дека ќе има значително потопло време со услови за појава на утринска магла по одделни котлини.

- Претежно сончево и релативно топло, наутро со слаба магла по одделни котлини. Ќе дува слаб до умерен ветер од северозападен правец. Во Скопје претпладне со слаба магла, попладне сончево со слаб ветер од северозападен правец. Утринската температурата во земјата ќе се движи од -1 до 7 степени, додека дневната ќе се зголеми и максимално ќе достигне 27 степени. Најтопло ќе биде во јужните делови од земајта, во Гевгелија, а во главниот град температурите ќе се искачат до 24 степен.

И во следните денови не очекува пријатно топло време со максимални дневни температури и до 27 степени.