Денеска започнува судењето за „Моќник“, Милошоски вели дека го води обвинителка која земала 88.000 евра за хонорари
Објавено во: Македонија 25 Ноември, 2020
Пратеникот Антонијо Милошоски на денешниот старт на судењето за случајот „Моќник“ пред Кривичниот суд рече дека случајот е политички монтиран, а за обвинителката Фатиме Фетаи додаде дека е дискредитирана со самото тоа, како што вели, што земала вкупно 88.000 евра хонорари од поранешното СЈО.
Пратеникот од ВМРО-ДПМНЕ, заедно со неговиот татко Милош Милошоски, поранешниот претседател на лустрациска Томе Аџиев и останатите обвинети во случајот „Моќник“, денеска седнуваат на обвинителна клупа во Кривичниот суд
„Ова е процес кој Катица Јанева, осудена за речет, го започнала, а го продолжи Фатиме Фетаи со 88.000 евра хонорари добиени од истото СЈО. Обвинителството е под силно влијание од Владата и истото очекувам да го користи аргументот на силата пред судот. Овој случај е правно неоснован и политички мотивиоран предмет. Обвинителниот акт е паушален и без издржани докази“, рече Милошоски пред медиумите.
Главната расправа е закажана откако претходно Кривичниот суд позитивно го оцени обвинението. Овој предмет го отвори згаснатото СЈО, а обвинението неодамна го поднесоа обвинителите Фатиме Фетаи и Гаврил Бубевски.
Освен измамата околу нелегалната продажба на објектот во која била сместена општина Пласница, а за багателна цена го купи таткото на Милошоски, со овој случај е опфатена и нарачана лустрација, од тогашниот пратеник Антонио Милошоски. Па затоа, освен за пратеникот, обвинение беше поднесено и за поранешниот претседател на Комисијата за лустрација, Томе Аџиев.
Споре информациите од обвинителството, Милошоски умислено го поттикнал Аџиев да отвори повторна постапка за лустрација на судијата Драги Билески од Кичево.
Судијата беше лустриран, а потоа и разрешен. Тој, за жал, не дочека своите лустратори да ги види на обвинителна клупа, бидејќи во меѓувреме почина.
Милошоски се гони за две кривични дела, Измама и Злоупотреба на службената положба и овластување.