Дијалог меѓу традицијата и современоста во Скопје Cити Mол

Добивај вести на Viber

Во рамките на културниот настан „Фолклорот низ генерации живее“ во организација на Скопје Cити Mол и на ансамблот на народни игри и песни „Орце Николов“, од 5 до 7 декември се одржа програма што уште еднаш ја потврди моќта на уметноста да поврзува генерации, да ја зачувува традицијата и да ја инспирира иднината.

Публиката со воодушевување ги дочека автентичните фолклорни изведби, го прифати ритамот, спонтано собирајќи се во танц и дружење во атмосфера исполнета со радост и позитивна енергија. Музиката, играта и вредноста на традицијата овие денови го исполни Скопје Cити Mол со топлина и многу емоции.

Добро осмислената програма понуди и ревии на традиционални носии, изложба на фотографии и орнаменти од богатата ризница на ансамблот, како и етно-креативни работилници и звуци од едни од најавтентичните народни инструменти.

„Навистина сме среќни што организиравме настан кој остави силен впечаток, потврдувајќи дека традицијата живее преку новите генерации. Му благодариме на ансамблот „Орце Николов“ и на сите учесници што придонесоа Скопје Cити Mол за миг да стане симбол на традицијата и културната сила на оваа нација“ - изјави Ебру Радевски, Генерален менаџер на Скопје Cити Mол.

Ваквите и слични настани и иницијативи, нудат можност за учење и размена на искуства. Едукацијата е клучна, а пренесувањето на знаењата и искуствата од постарите на помладите генерации е непроценливо.

„Овие денови ќе останат запаметени како денови на традицијата и современоста, споени во дружба што ги допре срцата на присутните и нè потсети на вредностите што нè обликуваат“ - додава Радевски.

Во тридневната програма посетителите имаа чест да бидат дел од исклучително богатото и разновидно опкружување што го обликува културниот идентитет на Македонија и го потврдува музичко и фолклорното наследство што го негува овој реномиран ансамл, како темелна составнина на културниот идентитет на нашата нација.