„Дијамантски“ туристи навалија на Родопите

Добивај вести на Viber

Над 30 семејства заработуваат од т.н. „дијамантски туризам" , пишува rodopi24. Тие се трагачи по полускапоцени камења , какви најмногу има по течението на Големиот дол. Многу луѓе доаѓаат тука , но најактивни се 30 семејства кои се од Софија , Сливен , Созопол , Бургас и Варна. Тоа се геолози. Има и поранешни инженери од веќе затворените претпријатија во Бугарија . Знаат сè за ахатите, јасписите и другите полускапоцени камења. Некои од нив престојуваат во нашата куќа, раскажува Џевдет Шевкет Емин од момчилградското село Кос . Дијаманти не наоѓале, но во селото ги нарекуваат „дијамантските туристи " . Во сите сериозни студии во Бугарија е наведено дека најмногу јасписи се откриваат во Крџалиско и Момчилградско, наведува весникот „Труд". Во Родопите е најголемото наоѓалиште на опали кое се простира на 30 километри , категоричен е шефот на катедрата „Науки за Земјата и животната средина " , д- р Рангел Ѓуров. Со генерации, жените во Кос ја користеле реката за перење на теписи и теписони, а гостите прават пари од камењата тука. Располагаат со специјални машини за да ги обработат минералите . Ги претвораат во убави прстени , обетки, белегзии и други украси. Не сум професионалец, но од нивните разговори , станува јасно дека во реката, тиркизите, ахатите и јасписите ги има многу. Нивното наоѓање е многу лесно колку и да врне дожд, додава Емин . Тој се сеќава како дете, дека наоѓале многу убави камења.   А.А.