Дијаспората од Детроит обезбеди стипендии за четворица Македонци

Добивај вести на Viber

Стипендии за четворица Македонци од САД и од Македонија обезбеди Организацијата Обединети Македонски-Американци од Детроит (ОМАД).  На својот четврти годишен собир тие обезбедија донации за стипендиите. Школарините ги добија Ешли Несторовска и Владимир Мадик, македонски студенти од САД, како и Стојанче Андов и Драган Стефановски, студенти од Македонија. „Нашата цел е да ги продолжиме програмите за школарини, за помош на домовите за деца без родители, собирање книги за потребите на Македонија. Младиот Стојанче Андов даде навистина прекрасен осврт на својот живот, кој го започнал токму во еден од овие домови за деца без родители. Цел на овие средби е и нашите деца да научат што е можно повеќе за Македонија и да останат поврзани со родната земја, во соработка и со Македонската студентска организација од Детроит“, појасни Том Бајоф, бизнисмен од Детроит. Ова е четврта ваква вечера на која стотици Македонци од околината на Детроит се собираат да обезбедат средства за хуманитарни цели. „Целта на нашата организација, формирана пред четири години, е да се промовира соработката меѓу црковните организации на околу 125.000 Македонци колку што сметаме дека живеат во околината на Детроит“, изјави Бајоф.