Димовски: Судот не наложи да се врати Митревски
Објавено во: Македонија 23 Август, 2020
Актуелниот претседател на Сојузот на синдикати на Македонија, Дарко Димовски, во изјава за МИА вели одлуката на Вишиот управен суд не наложува Живко Митревски да се врати на чело на ССМ, туку, според него, неговата жалба да се врати назад на разгледување во Второстепената комисија.
Никаде во пресудата не пишува Живко Митревски да се врати како претседател на ССМ, истакна Димовски, најавувајќи дека утре дополнително ќе се обрати до јавноста.
Живко Митревски, поранешниот претседател на Сојузот на синдикати на Македонија денеска на прес-конференција објави дека Вишиот управен суд донесе пресуда со која се уважи неговата тужба и се поништи решението на Комисијата за жалби на Република Македонија од септември 2017 година, а дека тој треба да се врати на чело на ССМ.