Директорот на Паркинзи Центар нападнат во кафана, настанала општа тепачка
Објавено во: Македонија 11 Август, 2021
Директорот на Паркинзи на Општина Центар, Васко Кичевски, бил нападнат додека бил во кафеана во Дебар Маало, по што настанала општа тепачка, дознава СДК.
Кичевски бил нападнат од двајца нешто пред полноќ синоќа, Друштвото на Кичевски возвратило, по што на напаѓачите им се придружиле уште двае непознати лица на кои полицијата не им го знае идентитетот.
Тепачката се одвивала со тврди и со стаклени предмети, а на крајот четворица пријавиле повреди од расекотини.
„На 10.08.2021 во 23.20 часот во СВР Скопје било пријавено дека бил нарушен јавниот ред и мир во угостителски објект во скопско Дебар Маало, со физичка пресметка помеѓу М.С.(35) од с.Бардовци, скопско, Д.А.(36), Е.Д.(36), Б.Т.(36) и В.К.(36), сите од Скопје, од една страна и С.Б.(31), А.Р.(31), двајцата од Скопје и уште две лица, од друга страна. Според пријавеното, притоа биле користени тврди и стаклени предмети, а со повреди се здобиле С.Б., А.Р., М.С. и Д.А.. Се преземаат мерки за расчистување на случајот“, се вели во полицискиот извештај.
Но, директорот потоа ја демантираше информацијата, и објасни дека тој не учествувал во тепачката.