Добар или лош потег – како влијаат отворените канцеларии на продуктивноста

Добивај вести на Viber

Многу луѓе си ја замислуваат канцеларијата како голема заедничка просторија во која се наредени редови со клупи, ѕидовите се прекриени со шкафови, а некаде во дното има маса за тенис. Има огромни прозорци, од кои влегува природна светлина, а сите работат здружено, без да си пречат. Несомнено звучи добро, но се покажува дека вакви канцелариски простории ги оддалечуваат вработените многу повеќе, отколку што се замислува, пишува BusinessWeek. Излегува дека проблемот е толку голем што се повеќе вработени ги претвораат домовите во канцеларии, бидејќи таму се попродуктивни. Токму таков е случајот на Каролин Смитс која е маркетинг директор на софтверската компанија NEAD App Development. Во 2010 година, фирмата се преселила во нова канцеларија во Хантингтон Бич, Калифорнија. Особено значајно е дека просторијата е обновен  магацин, што значи дека сите вработени работат во заедничка соба. Уште во првите две недели Смитс сфатила дека тоа не е за неа. "Почувствував дека вршам двојно помалку работа отколку кога работам дома. Дури не можев да одговарам на пораките, бидејќи сепак имаше некој кој поминуваше зад мене или зборуваше гласно. " Почнала да работи од дома, каде што не требало да го дели бирото со некој друг. Според Смитс, која има  40 години, слични канцелариски простори се посоодветни и им се допаѓаат главно на помладите луѓе кои се навикнати да работат во хаотична атмосфера. Но зошто раководството на NEAD решило да се пресели во стар магацин? Природно, поради цената. Основачот и извршен директор на компанијата - Ти Џеј Сокот, ја прифатил идејата да ангажира индустриската област од 370 квадратни метри за речиси четири пати пониска цена од неколку одделни соби во деловна зграда. Раководството прифатило особено засводени тавани и собраните покриви кои го привлекувале вниманието на клиенти, инвеститорите и слушателите. "Изгледаше како да бевме во Google", вели Сокот. Забавата сепак не траеше долго. Приоритетите на компанијата се промениле и раководството го намалило персоналот од 20 на 8 кои се преселиле во нова, помала канцеларија. Некои од вработените одлучиле  да продолжат да работат од дома, понекогаш, а за конференции компанијата изнајмува сали или ја користи електронската платформа Google Hangouts. Сокот е задоволен од развојот, бидејки вели дека продуктивноста на тимот му се подобрила значително. Сепак тој тврди дека трките со канцелариски столици му недостигаат. Балансирањето помеѓу пространата канцеларија и потребата да се заокружи повеќе работа не е воопшто лесно, вели Елизабет Дјокс , коосновач на iOffice . Хјустонската компанија развива софтвер и нуди консултантски услуги за менаџери на различни институции. Неодамна Дјокс издаде нова книга посветена на отворените канцелариски простории , која го следи развојот на американските канцеларии - од мали кутии до најсовремени решенија на компаниите од Силиконската долина. Иако има знаење во областа , Дјокс исто доживеала тешкотии во воспоставувањето на канцеларија на сопствената компанија. iOffice се преселила во стара индустриска зграда од 20 -тите години, каде што располагала со површина од 650 квадратни метри. Просторијата била гигантска и претрпела ремонт. Слично на приказната со NEAD, и тука големата сала била претпочитана поради пониската цена за изнајмување. Тогаш во фирмата работеле 25 лица , од кои некои ги воделе со себе домашните миленици. Раководството било принудено да го промени просторот  за гардероба во "тивки соби", чии ѕидови беа покриени со шумоизолационен материјал. Таму вработените наоѓаа смиреност по потреба, а ако и тоа не помагаше, тие беа слободни да работат од дома, во библиотека или кафуле. "Некои од вработените имаа потреба од тивко место каде што ќе можат да се концентрираат," се сеќава Дјокс . Слично искуство имаат и во Mint Advertising - рекламна агенција од Њу Џерси со персонал од 17 лица. Кога тимот се сместил во отворена канцеларија на крајот на 2012, еден од стратезите на компанијата - Кери Бачевски , била загрижена . Таа работела во слична просторија во нивната претходна работа , каде што често се разболувале од настинка и грип. Според неа многу полесно се пренесуваат во отворени простори, а и тешко може да се намести температура на воздухот, со која сите се задоволни . "Се чувствував како во фабрика. На такво место може да мораш да делиш биро со човек кој дури и не го познаваш. Тоа беше загрижувачко за мене ", вели таа. Коосновачот и Креативен директор на компанијата - Ал Наваро , успева да залечи некои од стравовите на вработените , обезбедувајќи им индивидуални клупи и тивки конференциски сали. Според него повеќето луѓе во моментов се среќни со нивното работно место . " Луѓето користат слушалки, за да се изолираат, а и со времето сама од себе се појави етикета дека кога некој е со слушалки , не сака да биде вознемируван," вели Наваро. К.К.