ДОБИВА ТРЕТ МАНДАТ: Марин Ле Пен реизбрана за лидер на Националниот фронт
Објавено во: Свет 11 Март, 2018
Единствената кандидатка за лидерската позиција Марин Ле Пен беше реизбрана на чело на француската крајно десничарска партија "Национален фронт" на конгрес во Лил.
За Ле Пен гласале близу 100 проценти од партиските членови, кои гласале по пошта, а резултатите беа објавени на партискиот форум.
Само 2,87% од испратените писма биле празни или невалидни. 49-годишната ќерка на Жан-Мари Ле Пен, кој веќе не е и почесен претседател на "Национален фронт", започнува трет мандат.
Марин Ле Пен е лидер уште од 2011 година, кога го наследи својот татко. Ја промени политичката ориентација на партијата за да привлече дури и помалку радикални електорати кои гласаа за централно десничарите.
Лидерот на партијата се очекува да понуди ново име за "Националниот фронт".