Добро е што Мицкоски се откажа од бојкот на пописот, велат од СДСМ
Објавено во: Македонија 29 Јануари, 2021
Добро е што Мицкоски се откажа од бојкот на пописот, велат од СДСМ.
Партијата го смета за позитивен ставот на претседателот на ВМРО-ДПМНЕ Христијан Мицкоски дека неговата партија се откажува од, како што велат од таму, идејата за бојкот на пописот.
„Очекуваме дека разумот ќе преовладее кај сите и дека по цели 19 години Република Северна Македонија ќе спроведе попис без мешање на политиката, солгасно стандардите и праксите на Евростат и Обединетите Нации“, стои во соопштението на СДСМ.
Мицкоски претходно кажа дека ако власта не ја прифати нивната иницијатива за укинување на Законот за попис ќе повикаат на масовно попишување. Тој во интервју за Канал 5 даде идеја дека пописот може да се спроведе и електронски.