Договор со Косово нема, но дали има напредок?
Објавено во: Македонија 20 Август, 2019
Договор со Косово не е постигнат.
Забраните за извоз на македонските компир и мед и косовските икри и рибен материјал меѓу Скопје и Приштина засега остануваат. За ова информираше министерот за економија Крешник Бектеши, кој денеска се сретна со косовскиот колега Ендрит Шаља.
Но, се договориле Косово што поскоро да ги исполни стандардите потребни за увоз на икри.
Се очекува косовската страна условите да ги исполни до почетокот на наредната недела, по што Агенцијата за храна и ветеринарство ќе одлучи дали забраните за извоз се укинуваат.
Забраната за увоз на компири и мед од косовска страна доаѓа како последица на забраната за увоз на риба за порибување од Косово.
Македонските служби се убедени дека производите кои се извезуваат ги задоволуваат сите светски стандарди и нема причина за воведување на царински бариери.