Доналд Трамп ја одобри квотата од 45.000 бегалци во 2018 година
Објавено во: Свет 30 Септември, 2017
Американскиот претседател Доналд Трамп потпиша декрет за воведување на квота од максимум 45 000 бегалци во земјата во следната финансиска година.
"Усвојувањето на 45 000 бегалци во САД во фискалната 2018 година е оправдано од хуманитарни прашања и други причини кои се во национален интерес", се вели во соопштението на Белата куќа
Се очекуваат повеќе од 19 000 луѓе од Африка, 5 000 од Источна Азија, од Европа и Централна Азија - 2 000, од Латинска Америка и Карибите - 1 500, а од Блискиот Исток и Јужна Азија - 17 500 лица. "Нашата главна задача е да се обезбеди прием само на оние бегалци кои ги исполнуваат условите и не создаваат закани за безбедноста на нашата земја", пишува во соопштението. Исто така, вели дека дури и со новата квота, САД остануваат лидер во приемот на бегалците. Властите во САД во моментов ги истражуваат можностите за построги безбедносни мерки и повеќе проверки кај странци во земјата.
По неговата инаугурација, Трамп воведе максимална квота од 50.000 странци со таков статус. Потоа, Стејт департментот даде препорака да се намали бројот на 45.000 луѓе. Како што забележуваат американските медиуми, од 1980 година, максималната квота за бегалци во САД никогаш не паднала под 67.000 годишно.