ДОЖДОТ НЕ ГИ СПРЕЧИ НАЈМЛАДИТЕ ДА СЕ МАСКИРААТ - Денот на шегата се одбележува на повеќе локации
Објавено во: Македонија 01 Април, 2023
Најмладите во земјава започнаа да го одбележуваат денешниот ден на шегата уште вчера маскирајќи се во своите омилени ликови.
Иако денеска низ главниот град, но и во останатите во земајва има организирано манифестации дождот им ги помати плановите.
Сепак, иако врне низ главниот град може да се забележат маскирани дечиња кои со голем ентузијазам се излезени да ги прошетаат маските.
Вообичено, на овој ден дефилираат најмладите маскирани во суперхерои, принцези, ликови од цртани филмови.
Разни манифестации има низ повеќето затворени трговски центри во главниот град, каде се поканети сите дечиња со маски, а може и без маски, како и нивните родители, баби и дедовци.
Меѓу присутните секако маскирани беа најмладите, но имаше и повозрасни кои се одлучиле да го разбудат „детето во себе“ за денот на шегата.
Традиционално и некои од општините организираат дефиле на маски, каде се собираат граѓаните од околината со нивните маскирани дечиња.