Државата ќе се „спаструва“ од меѓународни арбитражи и скапи пенали

Добивај вести на Viber

Владата на Република Македонија ќе има многу посериозен пристап кон сите договори со компании и правни субјекти во кои се содржат одредби за арбитражна постапка пред меѓународни инстанци со што државата е подложна на плаќање на скапи пенали во одредени случаи. Затоа мора да има разгледување на сите досега склучени договори и да се направи увид во состојбата за да не се доведе државата во неповолна положба. 

Од Владата посочуваат дека е разгледана и усвоена информација за потребата од основање на Координативно тело за следење на арбитражни постапки произлезени од меѓународни договор

„Владата ги задолжи сите надлежни државни органи, акционерски друштва и јавни претпријатија во државна сопственост, до Координативното тело за следење на арбитражни постапки произлезени од меѓународни договори во рок од 10 дена да ги достават сите информации кои ги поседуваат, а кои се однесуваат на склучени договори кои содржат клаузула за арбитража, странки во спорот, вредност на инвестиција и вредност на спорот, дали е иницирана постапка пред арбитража, во која фаза се наоѓа таквата постапка, кои субјекти учествуваат, кои се правните застапници, каде се води постапката, кои се назначените арбитри, како и за други прашања од кои ќе може да се согледа севупноста на проблемот’, соопштуваат од Владата на РМ.

Меѓудругото ова може да се толкува и како обид да се разгледаат обврските на Република Македонија во склучените договори со концесионерите за изградба на рудници, особено тие во југоистокот на земјата каде се случи народен отпор во страв дека ќе има големи закани по животната средина и здравјето на луѓето од загадување со тешките супстанци кои ќе се користат при лужењето на рудата.