ДУИ има свои услови за избор на новиот обвинител
Објавено во: Македонија 25 Јули, 2019
Обвинителот на новото обвинителство да се избира со Бадентер, бараат од Демократската Унија за интеграција.
Пратеничката група на ДУИ бара обвинителот на новото споено обвинителство Советот на обвинители да го избира со двојно Бадентерово мнозинство. Во однос на резервата што беше искажана за предлогот на премиерот Зоран Заев обвинителката Вилма Русковска да биде прв човек на обвинителството, претеникот Артан Груби вели дека немаат резерва.
„Работа на Советот на обвинители е да избира обвинител, не е работа на Ахмети, Груби, Џафери. Па зашто да не е и Албанец новиот обвинител“, вели тој.
Груби појасни дека барањето за Бадентер на темелат на претходното решение кога обвинителот на СЈО, Катица Јанеца беше избрана со такво, двојно мнозинство.
„Сега бараме интервенција во новиот закон за Јавно обвинителство, а тоа му го соопшти Али Ахмети и на еврокомесарот Јоханес Хан. За оваа бараме поддршка од сите партии, особено од албанската опозиција“, рече Груби.Од ВМРО-ДПМНЕ Владимир Панчевски го спомнаа како човек кој би можел да биде наследник на Катица Јанева.