ДУИ со предлог-мерка за директно давање пари на граѓани, но не сака кратење на плати

Добивај вести на Viber

Синоќа во седиштето на ДУИ во Тетово се одржа состанок на секретаријатот за економија и финансии во кој беше изготвен сет на социјални и економски предлог-мерки во интерес на закрепнување на економското и социјалното состојбата на граѓаните и приватниот сектор како одговор на последиците предизвикани од ковид-19.

ДУИ останува на ставот дека не треба да има намалување на платите во јавната администрација, додека за зголемена потрошувачка се предлага директна финансиска помош за граѓаните.

„Нашата главна порака е дека зголемувањето на јавната и приватната потрошувачка ќе го промовира економскиот раст. За оваа намена, потребно е да се забрза спроведувањето на сите капитални инвестиции планирани за 2020 година. Предлогот за ДУИ во наредниот период е дека фокусот треба да биде на имплементација на сите проекти- изградба на училишта, градинки, спортски сали , патна инфраструктура и железничка инфраструктура, забрзување на изградбата на гасоводната мрежа, инвестиции во водоводната и канализациската мрежа, но и енергетска ефикасност на објектите“, гласи заклучокот на интегративците.

Од таму велат дека сега е време владата да излезе со трет пакет на социо-економско закрепнување кои ќе се фокусираат на стимулирање на приватната потрошувачка со таргетирање на граѓаните, загрозени социјални категории, деловни и особено микро компании, како и мали и средни претпријатија.

„За стимулирање на домашната економија, предлагаме мерки за зголемување на локалното производство, што ќе се спроведе со поттикнување на граѓаните да купуваат локални производи, но и преку финансиска поддршка за зголемување на производството на земјоделски производи“, додаваат од таму.