ДУИНГ БИЗНИС: Зошто сме повисоко рангирани од лани?
Објавено во: Економија 31 Октомври, 2018
Македонија е рангирана 10-та на листата на Дуинг бизнис.
Македонија е најдобра во однос на заштитата на малцинските акционери, каде е седма, а најслаба во однос на регистрирање имот и стартување бизнис, каде е на 46 и 47 позиција.
„Мислам дека е најважно тоа што го правевме како влада, а не се рангира со Дуинг бизнис, а тоа е што за разлика од порано не постојат оние политички притисоци врз фирмите, а Владата изврши и значајно повисок поврат на ДДВ“, вели Драган Тевдовски, министер за финансии.
Министерот вели дека овој податок на Свтеска банка ја демантира опозицијата која тврди дека економијата, во последната година и пол, доживеала фијаско.
За разлика од лани има подобрување за една позиција, тоа значи за малку се подобриле условите за работа на фирмите. Рангирањето се прави врз основа на 10 критериуми, во конкуренција од 190 земји.
Во извештајот Македонија е највиско рангирана од државите во регионот. Словенија е 40-та, Косово 44, Србија 48, Црна Гора 50, Хрватска 58, Бугарија 59, Албанија 63, Грција 72, а Босна и Херцеговина 89. Според Дуинг бизнис 2019, број еден во светот е Нов Зеланд. Македонија беше на исклучително високото 12-то место во извештајот на Светска банка Дуинг бизнис 2016, меѓу вкупно 189 држави од светот, што претставуваше напредок од 18 места. Земјата беше рангирана на 30-то место на листата на Дуинг бизнис 2015.
Македонија со 30 милиони евра од Светска банка ќе спроведе проект за подобрување на човечкиот капитал. Поради условите во кои сега живеат, Македонците можат да искористат само 53 проценти од својот потенцијал. Просекот во развиените земји е 80.