26 Ноември, 2022
0.0431

Џентлменски потег во „Стопанска банка Скопје“: Најголемиот акционер понуди 5 пати поголема фиксна дивиденда за приоритетните акции!

Објавено во: Економија 16 Мај, 2022

Добивај вести на Viber

Грчките газди на Стопанска банка Скопје понудија фиксна годишна кумулативна дивиденда од 25 денари за секоја приоритетна акција. Тоа е 5 пати повеќе од дивидендата што ја даваа до сега на сопствениците на приоритетни акции. Ако прифати мнозинството сопственици на приоритетни акции цената на таа хартија ни на сон нема да дојде до 700-800 денари. Но последната цена од 480 денари за акција ќе биде „бест бај“ зашто во овие услови гарантира принос од +5% и заради тоа ќе биде „локум“ за инвестициски фондови

Доминантиот акционер на „Стопанска банка Скопје“, грчката банкарска групација НБГ, е согласен сопствениците на приоритетни акции на таа банка да добиваат 25 денари фиксна годишна дивиденда. Досегашната формула за пресметка на дивидендата на тие акции предвидува фискен принос од 5 денари на годишно ниво. Овој предлог предвидува обврска на банката на сопствениците на приоритетни кумулативни акции да добиваат секоја година 25 денари дивиденда, без разлика на износот на добивка, а во годините кога банката би работела со загуба, парите за дивиденда во фиксниот износ да бидат исплатени во првата следна година во која ќе работи со добивка. Ова е предлог што ќе се најде на гласање на претстојното акционерско собрание.

Вреди да се напомене дека овој процес на мерење на силите меѓу доминантниот сопственик на обичните акции и мнозинските сопственици на приоритетни акции трае неколку години. Сопствениците на приоритетни акции иницираат промени со цел зголемување на нивниот принос и се обратија и до Комисијата за хартии од вредност која е надлежно регулаторно тело од таа област. КХВ препорача на Стопанска банка Скопје да ја замени формулата за пресметка на дивиденда на приоритетни акции и да утврди фиксен износ што би го добила секоја приоритетна акција.

Наједноставно кажано тоа што досега Стопанска банка Скопје го издвојуваше за приоритетните акции изнесуваше 18.500 евра, сега ќе изнесува 92.500 евра. Стопанска банка Скопје има издадено 227.444 приоритетни кумулативни акции кои се во доминантна сопственост на домашни физички лица кои водат повеќегодишна правна битка за правата од нивните акции. Според официјалните јавно достапни податоци од Централниот депозитар за акции две домашни физички лица се најголеми сопственици на приоритетни акции во Стопанска банка Скопје. Ѓорги Јованов поседува 8,8, отсто од акциите, а Станко Игнатов 6 отсто. Повеќе од 3.600 домашни физички лица поседуваат уште 84 отсто од приоритетните акции.

Можен ли е компромис?

Очигледно е дека доминантниот сопственик на обични акции со оваа предлог одлука сака да го реши отвореното прашање кое го наметна група сопственици на приоритетни акции во таа банка. За да биде изгласан овој предлог достапен во првата точка на следниот линк https://www.seinet.com.mk/Default.aspx?lang=MK&docID=59353 потребно е за него да гласаат барем 75 отсто од сопствениците на приоритетни акции. Тоа значи во случај предлогот да го поддржат најголемите акционери Јованов и Игнатов за него треба да гласаат сопственици кои поседуваат околу 150.000 приоритетни акции.

Од издадените 17,46 милиони акции со право на глас грчката банкарска групација НБГ поседува 94,6 отсто.

Повеќе информации за најнови корпоративни новости за Стопанска банка Скопје може да прочитате на следниот линк Која банка спреми 15,2 милиони евра за дивиденда на своите акционери?

Р.Ф.

фото МИА

Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2022 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.

Можеби ќе ве интересира

Заминува позната компанија, ова е уште еден удар за Путин

Заминува позната компанија, ова е уште еден удар за Путин

„Македонската економија во двоен шок – каде се движиме? “

„Македонската економија во двоен шок – каде се движиме? “

Катастарот ги поскапе услугите и до 500 отсто, Комората на геодети разоткри повисоки цени

Катастарот ги поскапе услугите и до 500 отсто, Комората на геодети разоткри повисоки цени

ШТРАЈК НА ЦРН ПЕТОК - работниците на Амазон бараат повисоки плати, штрајкувачки акции во 30 земји

ШТРАЈК НА ЦРН ПЕТОК - работниците на Амазон бараат повисоки плати, штрајкувачки акции во 30 земји

АВСТРИЈЦИТЕ СЕ ПЛАШАТ ОД „ЗАТЕМНУВАЊЕ“: Над половина од граѓаните не би им помогнале на соседите

АВСТРИЈЦИТЕ СЕ ПЛАШАТ ОД „ЗАТЕМНУВАЊЕ“: Над половина од граѓаните не би им помогнале на соседите

Во што вложи „Жикол“? Добивката е 2,5 денари за акција!

Во што вложи „Жикол“? Добивката е 2,5 денари за акција!

Азески на средба со Маричиќ: Бизнисот бара департизација на институциите за олеснување на преговарачкиот процес со ЕУ

Азески на средба со Маричиќ: Бизнисот бара департизација на институциите за олеснување на преговарачкиот процес со ЕУ

Си-Ен-Ен: Американско-кинеската чип војна се прелева и во Европа

Си-Ен-Ен: Американско-кинеската чип војна се прелева и во Европа

КОМПАНИЈА ЗА БАЛОНИ ОВОЗМОЖУВА ПОГЛЕД ВРЕДЕН 200.000 ЕВРА: Експанзија на вселенскиот туризам

КОМПАНИЈА ЗА БАЛОНИ ОВОЗМОЖУВА ПОГЛЕД ВРЕДЕН 200.000 ЕВРА: Експанзија на вселенскиот туризам