АВТОМОБИЛСКИОТ ГИГАНТ СО ДРАСТИЧНИ МЕРКИ ПОРАДИ ТАРИФИТЕ НА ТРАМП: Стелантис им нуди попусти на американските клиенти

Добивај вести на Viber

Мултинационалната компанија за производство на автомобили Stellantis, чии брендови се Alfa Romeo, Chrysler и Jeep, им нуди на американските клиенти исти попусти што концернот им ги дава на своите вработени поради новите царини воведени од американскиот претседател Доналд Трамп, изјави Џоди Тинсон, директор за односи со медиумите за северноамериканскиот оддел на компанијата.

- Оваа недела лансиравме агресивна и конзистентна програма на стимулации и маркетинг поддршка за април, вклучувајќи возбудливи и конкурентни можности кои ќе им дадат на нашите клиенти „американска слобода на избор“ помеѓу цените на вработените или тековните парични стимулации - посочи Тинсон.

Стелантис ќе ги упати клиентите кај нивниот локален дилер за да ја одредат најдобрата зделка за возилото, објасни Тинсон, пренесуваат медиумите од соседството.

Како што наведе таа, оваа програма важи од 4 до 30 април.

Stellantis е мултинационална автомобилска корпорација создадена во 2021 година како резултат на спојувањето на италијанско-американскиот производител на автомобили Fiat Chrysler Automobiles (FCA) со француската компанија Groupe PSA (Peugeot Societe Anonyme).

Седиштето на компанијата се наоѓа во градот Хофдорп во Холандија. Претходно американскиот претседател Доналд Трамп најави воведување „реципрочни“ давачки за увоз од други земји. Основната минимална стапка ќе биде 10 проценти, но секоја земја ќе има калибрирана тарифа што ќе биде половина од она што ќе им наплати на компаниите кои увезуваат американски стоки.

Истовремено, царината за стоки од ЕУ е 20 отсто.

Според Трамп, ова ќе стане „декларација за економска независност“ на Соединетите Американски Држави и ќе помогне „трилиони и трилиони долари“ да се искористат за отплата на националниот долг. Трамп, исто така, најави царина од 25 отсто за сите странски увезени возила од денеска.