ДЗС: Македонија со трговскиот дефицит од над 2 милијарди долари

Добивај вести на Viber

Стоковната размена со странство од јануари до октомври годинава изнесува 8.602.599.000 долари при што вредноста на увозот е 5.310.721.000 илјади долари, а извозот 3.291.878.000 долари. Покриеноста на увозот со извоз е 62 проценти, а трговскиот дефицит изнесува 2.018.843.000 американски долари, стои во соопштението на   Државниот завод за статистика (ДЗС). Според податоците на Државниот завод за статистика, трговската размена по производи покажува дека во извозот најголемо е учеството на катализаторите на носачи со благородни метали или нивни соединенија, фероникелот, преработките од нафта, производите од железо и челик и облеката. Во увозот најмногу се застапени платината и легурите на платина, необработени или во прав, суровата нафта, рудите на никел и нивните концентрати и електричната енергија. Во периодот јануари-октомври 2012 година, најголемо учество во извозот на стоки имаат земјите-членки на ЕУ 62,4 отсто и земјите од Западен Балкан со 24,5 проценти, а во увозот на стоки најголемо учество имаат земјите-членки на ЕУ 59,3 отсто и земјите во развој 21,8 отсто. Притоа како најдобри трговски партнери на Македонија се наведуваат Германија, Грција, Србија, Бугарија и Италија.