Eден процент од најбогатите ќе контролираат две третини од светското богатство до 2030
Објавено во: Економија 09 Април, 2018
Најбогатите луѓе во светот односно 1 процент ќе контролираат две третини од светското богатство до 2030 година.
Ова станува јасно од извештај на библиотеката на комората на општините на Велика Британија.
Според податоците континуираната акумулација на средства во рацете на елитите ќе предизвика постојано растечката недоверба и гнев во идната деценија, освен ако не бидат преземени мерки за обновување на балансот.
Ако трендот забележан од финансиската криза во 2008 година продолжи, тогаш најбогатите ќе контролира 64 проценти од светското богатство до 2030 година. Дури и земајќи ги во предвид ефектите од кризата и мерењето на средствата на долг рок, најбогатите повторно ќе имаат повеќе од половина од парите во светот.
Од 2008 година наваму благосостојбата на најбогатите 1 процент има пораст во просек по 6 проценти годишно и тоа е побрзо од 3-те проценти годишно за останатите 99 проценти од населението во светот.Според анализата, концентрацијата се должи на нееднаквоста во приходите, повисоките каматни стапки на заштедите во најбогатите и акумулацијата на средствата. Тоа е, исто така, последица на инвестирање средства во компании, акции и други високо-продуктивни финансиски средства.