Едни од соседите на Македонија навалија за азил во Франција
Објавено во: Свет 08 Јануари, 2018
Во Франција минатата година се регистрирани нешто повеќе од 100.000 молби за азил што е „историски“ резултат за кој допринеле зголемениот број кандидати од Албанија и од Западна Африка. Ова го соопшти директорот на француската служба за заштита на бегалци, Паскал Брис.
Бројот на молби минатата година е зголемен за 17%, на вкупно 100.412.
Во 2017 година азил најмногу побарале од Албанија – 7.630 барања од полнолетни лица. Одобрени се само 6,5% молби. На второ место е Авганистан со 5.987 молби. Следуваат Хаити со 4.934, Судан 4.486 и Гвинеја со 3.780.
Податоците потврдуваат дека Франција е меѓу државите каде најмногу се бара азил во Европа, „но по Германија каде оваа година има речиси 200.000 кандидати“.
Бројот на одобрени молби е намален од 38% во 2016 година на 36% лани.
Лани во Франција пристигнале многу повеќе молби за азил од Западна Африка посебно од Брегот на Слонова Коска, чиј број е скоро двојно повисок – 3.243, ДР Конго – 2.941 и Алжир 2.456.
Во 1981 година во Франција се поднесени 20.000 молби за азил.