ЕК: Македонија и Србија сами да одлучуваат кого да пуштат од мигрантите
Објавено во: Балкан 28 Ноември, 2015
Од Европската комисија (ЕК) во Брисел официјално соопштија дека властите во Македонија и Србија сами решаваат на кого од мигрантите ќе му одобрат да мине по т.н. „Балкански пат“ во насока на Европската унија.
Според ЕК, Скопје и Белград можат да ги вратат сите мигранти, кои сметаат дека се економски и дека не се воени бегалци. На прашањето на новинарите дали двете земји треба да се консултираат со агенцијата Фронтекс по прашањето за мигрантите портпаролката на ЕК, Наташа Берт го изјавила следново: Фронтекс дејствува само во земјите од ЕУ. Во трети земји, како што е случајот со Македонија и Србија, ЕУ не издава правила како овие држави треба да дејствуваат во однос на мигрантите и враќањето на економските мигранти од нивна територија.
Надлежните од минатата недела ги враќаат сите економски мигранти назад на Грција дозволен е премин само на бегалци од Сирија, Ирак и Авганистан.